يعني الركنة من النوع ده مش دايما بتكون سهلة لاي حد ، خصوصا لو المكان ضيق…
الراجل و هو بيرجع بضهره بالعربية…. خبط العربية اللي وراه .. اآه خبطها بس معلش المكان فعلا ضيق و صعب انه يركنها بسلام ، انا قلت في بالي معلش هيمشي بقى و يشوف مكان تاني يركن فيه بدون خسائر

الكارثة في ان الراجل ماوقفش، ولا اتحرك من مكانه، او هو بصراحة فضل يتحرك للخلف اكتر، فمش بس بيخبط العربية اللي وراه ، لا ده كمان بيزقها لورا اكتر و اكتر من باب انه يوسع لنفسه مكان !!

بجد وقفت ابصله و انا في حالة ذهول، تنحتله فعلا، الراجل بصلي باسلوب “في حاجة يا شاطرة” كنت عايزة اتخانق معاه، ازعق اعمل اي حاجة
و ندمت بجد اني مش معايا الكاميرا اصوره عشان احطها دليل هنا

انا عارفة ان الركنات للعربيات سخيفة جدا، و تقريبا مافيش اماكن نهائي، واللي بيركن مش شرط ابدا يراعي انه يسيب مكان لحد يركن جنبه او وراه … من باب انه لقى ركنة و السلام..
لكن هل يعقل بجد ان ده يبقى اسلوب ؟؟؟
يعني اخبط في عربيات الناس عشان هو مش سايب مكان كفاية أو عشان انا مش لاقي مكان اركن !!

انا فضلت افكر ان لو عربيتي اللي اتعمل فيها كده، احساسي لما انزل الاقيها مركونة و مخبوطة في مكانها
شئ مستفز
وغير مبرر بجد

ماهي اصلها مسألة اخلاق … مش مسالة زحمة مرور ولا كتر عربيات
مسألة اخلاق ، و مابقاش فيه اصلا اخلاق لا في السواقة ولا في الركنة و لا في اي حاجة تانية

وعجبي

مع اقتراب ذكرى زواجي الثانية و الحمد لله …. و بشعوري المستمر أن العمر يجري بنا فعل و نحن لا نشعر

انا ماكنتش مصدقة انه فات سنة، دلوقتي اتنين، و أدينا بنكبر و العمر بيجري
بدعي ربنا من كل قلبي، انه يسعدني معاه مهما طال أو قصر العمر

المهم بقه، ان في الفترة اللي فاتت ، عندي سيل من الذكريات اللي عمالة تتنطط قدامي طول اليوم، ابتداء من الثانوية العامة و افتكر أيام الدروس و قد ايه كان فينا براءة ، مش زي بتوع الايام دي والله ، براءة بجد
وبعديها أيام الكلية، خصوصا اني زرتها من كام يوم، ياااه احساس بالاشتياق الشديد للأيام دي، ومراعاة مني للناس اللي بتمتحن الأيام دي و الضغطة اللي هم فيها، الاشتياق مش لأيام المذاكرة و تعب الامتحانات،رغم ان ده فعلا موجود، بس الاشتياق الأكبر لأيام الجامعة نفسها، سهولة الحياة – رغم انها كانت صعبة أوي بالنسبة لنا أيامها – و كانت الثانوية العامة دي ولا حاجة جنب اللي بنشوفه في الكلية و من الدكاترة و الامتحانات

أيام الصداقات الحقيقية، أصحابنا اللي كنا نشوفهم و نخرج معاهم تقريبا كل يوم، واللي كنا بنذاكر وياهم و كمان نشتم و نغضب من صعوبة الدراسة ….
احساس رهيب لما عديت على المكان اللي كنت بقعد فيه مع صحباتي، كان مكان مقدس لينا و كنا نطنطط لو شفنا حد تاني فيه ، أيام المشروع، و اللخبطة اللي كنا فيها، والتأخير في الكلية و مع ذلك كانت من أمتع الأيام اللي قضيتها مع زمايلي فعلا

لما بفتكر كل ده، ،،احس اني بجد نفسي ارجع هناك تاني، أكتشف اننا فعلا بنشتاق لفترة مضت من عمرنا رغم ان وقتها كنا عايزين نخلص منها أوي…
نفسنا نخلص ثانوية عامة، و دروس و امتحانات عشان ندخل الكلية و نعيش حياتنا
ندخل الكلية نلاقي ان الثانوية العامة كانت جميلة و سهلة، و اننا مش عايشين حياتنا ده احنا طالع عنينا
ونبقى عايزين نخلص عشان نشتغل، أو حتى نفضل فاضيين في البيت بس نخلص الكلية

نخلص الكلية نبدأ نتصدم من الحياة الفعلية، شغل ، مسئولية أو حتى فراغ قاتل، نلاقي ان ياااه، قد ايه الكلية جميلة

طماعين أوي احنا

وبجد دلوقتي مع كل ده، بفتكر أول مابدأت اتعلق بأحمد، وازاي كنت خايفة و نفسي العمر يعدي و اطمن ان ربنا هيكتبلي أكون من نصيبه، وافتكر ازاي كنت حريصة اني مايبانش عليه حاجة قدام حد عشان عيب، واني مش عايزة مخلوق يعرف غير صحبتي الوحيدة
فترة بجد كانت صعبة أوي، انك تخبي مشاعرك أو شوقك أو تتعمد تتظاهر قدام الناس بغير اللي جواك، بس برضه كانت جميلة أوي برقتها و بساطتها وحتى القلق اللي فيها….

و بدأت افتكر حاجات من دي كتييير أوي… و صادفني كذا مرة أغنية تفكرني بموقف معين وارتبط معايا بالأغنية دي
في أغاني ليها مواقف فعلا ماتتنسيش، و أغاني حبيتها لمجرد تشابه الاحساس باللي أنا فيه
أغاني لأوقات حلوة و أغاني تانية لاوقات فعلا كانت صعبة

ولما افتكر قد ايه كنت ببقى متضايقة، خايفة أو مخنوقة في بعض الأوقات، وأفتكر ازاي فعلا عدينا كتير من المشاكل والاختلافات – بفضل الله طبعا – أتأكد أكتر ان مافيش اي علاقة ناجحة مافيهاش مشاكل … لان الصمود قدام المشكلة، والتعاون في حلها والتراضي أو حتى التضحية المقبولة، ده كله بيقوي العلاقة مش بيضعفها … بس طبعا كله في حدود.. مش خناقات عمال على بطال و نقول هتقوي العلاقة

عموما، أنا جمعت كل الأغاني تقريبا اللي ليها ذكريات خاصة معايا، و لما سمعت كل واحدة منهم، حسيت اني فعلا في سينيما و بتفرج لى أيام كتيير جميلة عدت علينا و كام يوم كده راحوا لحالهم والحمد للله
وفعلا كل أغنية وراها حكاية

اللي عمرى مانسيته بقى، هو دعائي الدائم و المستمر أيامها، ان ربنا يكرمني بيه، وأكون ليه  عشان انا فعلا ماينفعش أكون لحد تاني
مجرد استجابة ربي لدعائي ده، و مع كل يوم ألاقي ان ماليش أطلب حاجة أكتر من كده أبدا غير إن ربنا يحفظه لي من كل سوء و ما يحرمنيش منه و الحمد لله ألف ألف مرة على أكبر نعمة و هدية أكرمني بها

كل ده خلاني أحس ان الواحد لازم يستمتع باليوم واللحظة اللي عايش فيها، لانها لو من وجهة نظرك وحشة، فممكن تكون هي أفضل من اللي جاي، ولو هي حلوة فممكن تكون أحلى من أي لحظة تانية ممكن تعيشها
عارفة انه كلام سهل بس غير التطبيق.. لكن بجد وعدت نفسي أحاول قد ماقدر اني أعيش أحلى ما في الأيام وأتمنى ربنا يرزقنا الرضا باللي كاتبهلنا لأنه أكيد هو الخير بإذنه

أحمد ….. بدعي ربنا يقدرني أكون زوجة صالحة، أسعدك و أوفرلك الحياة اللي تتمناها وأخليك دايما  فخور بيه ان شاء الله

Do I ??

المهم انا اتشجعت فعلا ، و رحت عملت مقابله مع مديره الموارد البشريه ، و مدير الشركه ، و الحمد لله كانت ظريفه جدا ، رغم اني كنت متوتره لانها كانت اول مره اعمل مقابله عمل بالشكل ده ، و الحمد لله هما وافقوا على اني ابقى متدربه لمده ٣ شهور في الشركه و على حسب تقييمي في الفتره دي هنشوف اذا كانوا يعينوني او يكتفوا بالفتره كتدريب بس.

بعد المقابله دي ، شعوري اختلف تماما ، بقيت متحمسه اوي للبدايه في الشركه خصوصا اني هكون مع احمد ، نروح سوا و نرجع سوا ، وان كمان ممكن اسافر بلجيكا مع الفريق بتاعي للشركه هناك اللي احنا تابعين ليها ، و فعلا بدات بحماس شديد.

البدايه كانت متعبه شويه ، الشغل من ٩ الصبح ل ٦ مساءا ، فتره مش هينه و خصوصا لربة  منزل زي حالاتي، بس كنت نشيطه جدا ، ارجع اعمل اللي ورايا و اجهز حاجتي لليوم اللي بعده و هكذا ، و مامتي ربنا يخليهالي و يطولي في عمرها كانت بتساعدني كتيير

كنت فعلا ببقى حاسه بارهاق و تعب شديد بس كنت مستحمله و مبسوطه لاني فعلا كنت مستمتعه جدااا
الشركه ليها جو مختلف ، نظامها ، ادارتها ، تقسيمها ، الناس اللي فيها ، الناس اللي اتعرفت عليهم و اشتغلت معاهم كل حاجه ، والاحلى ان في كتير من الناس عارفاهم زي اصحاب احمد و هكذا

الاحلى بالنسبه لي ، اني بقابل ناس يوميا ، بنتكلم و نهزر و نشتغل و نتناقش ، و دي اكبر ميزه لقيتها ، انا فعلا كنت اشتغلت في الاكاديميه بعدد ساعات محدد و فعلا كانت ممتعه ، بس مش زي جو الشغل في الشركات و التيكنيكال ، الموضوع فعلا مختلف عن التدريس و العمل الاكاديمي

لكن طبيعه الشفل في الفريق اللي انا فيه بدات تظهرلي بعد ٣ اسابيع او اقل كمان ، انه نوع من العمل الروتيني ، و مش النوع كمان اللي ممكن اتعلم فيه حاجه تفيدني اكتر – و ده كان الهدف الاساسي لي من اني اخد فتره التدريب دي – اني اتعلم و انمي نفسي عن طريق الشغل الحقيقي مش من البيت و التعليم المنفرد

لما لقيت كده، بدات احس بالاحباط، واني مش بكون مستمتعه وانا بعمل الشغل المطلوب مني ، و بدات احس بالفتور في حماسي للشغل ،اللي بعمله، و بدا حماسي و نشاطي اللي كنت فيه يقل
بقى شغل البيت تقيل اوي ، لاني فعلا برجع مهدوده و مش قادره ، و التعب ده كمان مش من حاجه انا مستمتعه بيها عشان يكون يستاهل اني اجاهد نفسي فيه.

وقلت هما ٣ شهور و يعدوا ، بس مع قرب انتهاء الشهر التاني من المده دي، لقيت المدير بيكلمني،  و انه عايزني اكمل معاهم، لانه سعيد بي و ان تقييمي كويس جدا و الحمد لله واني ابقى في تعيين رسمي مش متدربه و بس.

قعدت فتره كبيره اوي محتاره، قراري محسوم من ناحيه عدم استمتاعي بالشغل – من حيث طبيعته – لكن في المقابل بكون مبسوطه اوي وانا في الشركه ، وانا مع ناس، وانا لي وظيفه و مكان و زمايل عمل ، مبسوطه اني مع احمد و بنتشارك الوقت و الظروف ، بس مش من الصح ان كل المشاعر دي هي اللي تحركني في قراري ، لان على الجانب الاخر ، بدات احس ان صحتى بتتدهور من الارهاق ، قله الحركه ، والمجهود الذهني و البدني و النفسي بتاع كل يوم ، ده غير اني كنت متخيله اني هقدر اتشجع لرساله الماجيستير مع الشغل وللاسف ده ماحصلش و بالتالي اهملتها تماما ، و الموضوع اصلا مش مستحمل

في الفتره الاخيره ، بقيت لما بوصل البيت بكون غير قادره على بذل اي مجهود، لكن للاسف لازم اعمل حاجات كتير ، لاني عارفه ان مش هينفع اني عشان باشتغل اقصر في شغل البيت ، و ده بدا يخليني افكر بطريقه مختلفه ، جايز مش سليمه اوي ، لكن هي فعلا مسيطره عليه في الفتره دي

قراري النهائي هو اني هسيب الشركه ، و ده عشان الشغل مش عاجبني كبدايه – بس الحق يقال ان المدير عرض عليه فرص كويسه لكن مش قبل ٦ اشهر على الاقل – ده غير ان كان قدامي فرصه كمان اسافر و اتفسح و اشوف بلاد بره ، بس الشئ اللي خلاني خلاص مش قلدره اكمل ، هو حمل البيت

مع مرور الوقت مش بقيت بقدر اعمل اللي المفروض يتعمل، و بعمل اقل الاشياء ، و كمان بعملها وانا في حاله يرثى لها من الارهاق و الضيق الشديد ، لالني بقيت حاسه اني هرجع اقعد في البيت عشان اعمل شغل البيت

هرجع اقعد لوحدي تاني ، حتى لو هشتغل من البيت و اذاكر و اشغل وقتي ، بس كل ده ، برضه و انا لوحدي،

انا فعلا ماحاسيتش قد ايه صعب اني افضل مده طويله كده في البيت لوحدي الا لما جربت قد ايه ممتع اني اكون وسط جو عمل و حياه و حركه
بدات احس ازاي فعلا هفتقد ناس كتيير عرفتهم و حبيتهم ، و ناس اتعلمت منهم او بسببهم حاجات كتير اوي

الفكره بقه اني اصبحت ناقمه جدا على شغل البيت والواجبات المنزليه ، و بعملها وانا متهالكه و غضبانه فعلا ، مع العلم اني طول عمري اقول ان شغل المراه مالوش اي قيمه ولا فايده لما ياثر على بيتها و تقصر في مسؤليتها تجاهه ، و الحمد لله مبدآي لم يتغير ، بس خلاني احس اني بكره فعلا شغل البيت ده ، و مسئولياتي فيه.

اكيد الوضع كان هيبقى مختلف كتييير لو الشغل فعلا كان يستحق التضحيه ، وانه فرصه لا تعوض ، بس هومش كده  ، وبالتالي قراري ده هو الاسلم و الاصح لكني مش سعيده اوي بيه

طبعا مش لازم اصلا اكون سعيده ، لان الاصل هو المصلحه مش السعاده

عارفه ان ممكن ناس تكون شايفه شعوري ده فيه شئ من المبالغه او التراجيديا ، و ممكن يكونوا على حق ، و ممكن يبداوا يرصوا لي مزايا القعده في البيت و يذكروني بالارهاق اللي بكون فيه من الشغل ، بس شكرا ليهم ، انا في غنى عن كل ده
انا بكتب لانفس عن ما بداخلي ، حتى و ان كان فيه شئ من المبالغه بس هذا ما اشعر بيه الآن ، و عموما هي فتره و هتعدي ان شاء الله
على الاقل خلتني اكثر حماسه للشغل و المشاريع و لاني انتج و انجح و ربنا الميسر

بس بعد كل ده بقى ، فيه سؤال شاغلني من فتره ، هل الحل لاني انزل اشتغل هو الشغل في شركات الحكومه عشان المده تعتبر النص تقريبا ، ولا الشغل من البيت – وهو فعلا من اقوى الحلول الموجوده و الناجحه حاليا – بس الاتنين دول مش هنلاقي فيهم الجو و الروح الموجوده في الشركات الكبيره فعلا ، ولا فيه نظام الاداره المتميز ولا ولا حاجات كتييير تانيه .

مش عارفه ، حاسه اني متغاظه لاني فشلت ، و ماعرفتش اوفق بين الاتنين، و نفسي اسال، هو السيدات اللي بيشتغلوا في شركات كبيره و فترات طويله و شغل من اللي بجد يعني دول بيعملوا اييييييه !!!!! والاكتر كمان لو معاهم اطفال ، ده يبقى ازاي يعني ….. حد يقولي عشان اشوف هل فعلا العيب فيه ولا في ايه !!! و شكرا

]]> http://www.sinarshebl.com/working-woman/12/2009/feed 9 http://www.sinarshebl.com/azhar/09/2009 http://www.sinarshebl.com/azhar/09/2009#comments Tue, 08 Sep 2009 13:16:18 +0000 Sinar Shebl http://www.sinarshebl.com/?p=236 مافتكرش ان في حد يعرفني من غير مايعرف مين هي ازهار ، مش شرط معرفه شخصيه او يكون شافها بس الكل عارف ان سينار صاحبتها الانتيم هي ازهار

ازهار صحبتي من اولى ثانوي ، ودخلنا نفس الكليه و نفس القسم، وكنا لا نفترق ابدا ، عيلتها هي عيلتي و بالنسبه لاسرتي فهي اختنا الرابعه بلا اي مبالغه في الكلام

هي سافرت مع زوجها ، سنه الحياه و مش بقينا بنشوف بعض كتيير بس طبعا الود لا ينقطع ابدا والحمد لله

source

من يومين بس عرفت ان ازهار اتنقلت المستشفى في البلد اللي هي فيها ، بحاله التهاب رئوي حاد ، ضيق في التنفس و نقص في نسبه الاكسجين في الدم، وهي كانت حامل في الشهر التامن

اضطروا يعملولها عمليه ولاده قيصريه عشان الطفل مايتاثرش و يقدروا يدوها العلاج المناسب بعدها عشان مايكونش في اي خطر باذن الله
الحمد لله طفلها بخير ، لكن هي لسه فس العنايه المركزه ، غائبه عن الوعي و حالتها حرجه لسه

انا كتبت البوست ده عشان احنا في شهر كريم وايام مفترجه و على مشارف العشر الاواخر من رمضان و كلى امل في رحمه الله بيها و بطفلها و اهلها
ربنا كريم، هو أكرم الاكرمين و أرحم الراحمين قادر يشفيها و يقومها لابنها سالمه معافاه من كل سوء

احنا في ايام الدعاء فيها ان شاء الله مستجاب، وربنا مش هيرد دعانا ليها باذنه
الدعاء لما بيكون مكثف  و العبد يكون لحوح فيه، ربنا ان شاء بيتقبله و يستجيبه

ارجوكم جميعا … لكل من يقرا هذا الكلام، لكل من عرف ازهار او حتى لم يعرفها ادعوا لها
هي في امس الحاجه للدعاء الآن ، ولن ينصفها سوى الله والدعاء له والرجاء منه ان يكشف ما بها من ضر و يرفع عنها البلاء و يشفيها فهو القادر على كل شئ

ادعوا لها .. و رجاء ان لا يكون الدعاء لها من خلال التعليقات فقط ، ارجوكم ادعوا لها في صلواتكم و في خشوعكم و تضرعكم لله

و باذن الله سنطمئن عليها و تعود سالمه لاهلها و بيتها و وليدها

اللهم اشفها وعافها

جزاكم الله خيرا

تحديث

جزاكم الله خيرا جميعا
ازهار لسه في غيبوبه والاطباء عملوا اللي عليهم
وكل ما بايدينا الآن هو الدعاء و التضرع للمولى عز و جل ان يزيح عنها الضر والبلاء وان يكشف عنها الالم
ارجوكم ارجوكم  كثفوا الدعاء، فما من شئ اكرم على الله منه ولا من ايام مفترجه ليُتقبل فيها اكبر من العشر الاواخر من رمضان – الآن
والله عزيز رحيم قدير على ان يشفيها و يتقبل دعاءنا
وان يعافيها هي و مرضى المسلمين اجمعين
اللهم آميين

تحديث ٢٨ سبتمبر

الحمد لله حمدا كثيرا كما ينبغي لجلال وجهه و عظيم سلطانه
الحمد لله أزهار فاقت من الغيبوبه و حالتها بتتحسن بالتدريج ، جزى الله خيرا كل من دعا لها و عسى الله أن يتم شفاءها على خير ان شاء الله
وان تعود لنا سالمه معافاه يا رب

الحمد لله حمدا كثيرا طيبا مباركا كما ينبغي لجلال وجهه و عظيم سلطانه
أزهار رجعت بسلامه الله مصر امبارح ١٣ اكتوبر
جزى الله خيرا كل من دعا لها ، و الحمد لله على استجابه الدعاء

It wasn’t the first event that I attend for H4ck3rZ but definitely was the first one that I share and contribute in it, so it’s a really special one for me.
I was involved in the preparation and setting the schedule, contacting the participants arranging contacts with the whole team, and other foundations, many nice things that I really loved alot.

It was very exhausting for the last two days just before the event, but when I were there attending it, watching the success we made all together, and the effort made by all members to make such a great event, made us really happy, as for me I was very very happy and exited.

My contribution wasn’t only in the preparation, I had a session (a mini-talk) which last for 30 minutes, I chose Google Documents as a subject, as it’s quite light to talk about in such a short period, and also cause I’m a huge fan of Google Docs.

The presentation went nice, I did enjoyed it, although I’ve some notices for myself that I’ll overcome isA in the upcoming contributions

I thought it would be a peace of cake as I’m used to talk and specially explain subjects to a group of students at my work,  but it was different, yet nice

This event made me love this kind of work, I never tried it before, never had the chance, it was so lovely for me, and I loved sharing Ahmed in everything regarding the event.

It made me more active, more exited in sharing more and more in my community.
I had a nice feedback on my session, that made me thinking of making a tutorial video about it, I DO LOVE GOOGLE DOCS ALOT INDEED .

Here’s my presentation slides, though I didn’t use them, It was a life one

UPDATE: The Video

Finally, some photos of me during the session
I was wearing EGOSUG T-shirt, ahmed did too, we were alike and it was really nice and so much fun

بالله عليكم… عايزه حد يفهمني معنى اللي مكتوب ده

ده سور مدرسه في اسكندريه….. استوقفتني الجمله و حاولت انا و احمد نفهمها او نشوفلها اي معنى .. و للاسف معرفناش

صورتها و قلت جايز الاقي عند اي حد منكم تفسير ليها

جايز في معنى مدفون انا مش واخده بالي منه مثلا …. او جايز فعلا فيها افاده للطلبه و انا اللي مستهتره بيها ؟؟؟

اييييييه اللي مكتوووب ده بالله عليكم قولولي

]]> http://www.sinarshebl.com/%d8%a7%d9%84%d9%85%d8%b9%d9%86%d9%89-%d8%a7%d9%84%d8%ae%d9%81%d9%8a/07/2009/feed 8 http://www.sinarshebl.com/h4ck3erz-duo/07/2009 http://www.sinarshebl.com/h4ck3erz-duo/07/2009#comments Wed, 01 Jul 2009 09:59:32 +0000 Sinar Shebl http://www.sinarshebl.com/?p=216 السلام عليكم و رحمة الله و بركاته

نتشرف بدعوتكم لحضور اهم مؤتمرات الهاكرز التقنية و الذي سيستمر لمدة يومين متتاليين “هاكرز ديو” و سيبدأ المؤتمر يوم السبت القادم 4/07/2009 بإذن الله تعالى الساعة التاسعة صباحاً في مدرج 21 في كليه الهندسة جامعة المنصورة و الذي يتم تحت رعاية منظمة مشروع فيدوراالجدول موجود على: موقع الهاكرز و سيتم الأعلان عن تفاصيل أكثر قريباً جداً إن شاء الله

هذا الحدث بدعم من مشروع فيدورا و مجموعة مستخدمي اوبن سولاريس مصر

Assalamu A’alaykum,

We are thrilled to invite you to one of the most important events of the H4ck3rZ Foundation during the year, the one which will take 2 days and is called “H4ck3rZ Duo”.

The sessions will start next Saturday 4/7/2009 and will end on Sunday 5/7/2009.

The event will be held in 21 Lectures hall in faculty of engineering, Mansoura university and the event is sponsored by the Fedora Project Organization.

The schedule is on the H4ck3rz website and more details will come soon isA.

This event is sponsored by Fedora Project and the Egyptian OpenSolaris Users Group

…

حاجه كمان جدا ، نحاول قدر المستطاع نتفادى الأماكن المزدحمة ، و لو راكبين مواصلات عامه نراعي إن يكون في تهويه من الشبابيك و دي أهم حاجه …
و ربنا إن شاء الله يعافينا و يكفينا شر الأمراض والأ وبئه يا رب

عموما، أنا كنت سمعت أكتر من رأي عن الفيلم، معظمها كانت أراء مشجعه جدا، إلا إن واحدة صاحبتي حذرتني إن الفيلم فيه مشاهد دم كتيرة و ده طبعا خلاني مترددة لأني لا أتحمل مناظر الدماء حتى لو فرخة

أنا هحكيلكم انطباعي و رأيي الشخصي في الفيلم :
الفيلم فعلا تميز جدا في الإخراج، والتصوير كمان ، يديك إحساس إنك مش بتتفرج على أي فيلم مصري عادي، لا ده فلم معمول بكفاءة عالية جدا و بمستوى محترف فعلا، التصوير و الإخراج كان ممتاز بدرجة كبرى، و ده من أفضل الأشياء إللي في الفيلم و تخليك مستمتع بمشاهدته
الموسيقى التصويرية، رائعة بجد، الظريف إن أنا في الأول مكنتش مركزه معها ولا واخدة بالي منها أصلا، لغاية ما بدأت أنتبه إن إلي بييحركني مع الأحداث و بيغير في إحساسي  بكل مشاهد في الفيلم هي الموسيقى دي فعلا، تأخذك من إحساس لإحساس تاني و أنت معها طول الوقت ، و أعتقد إن ده فعلا المطلوب من الموسيقى التصويرية الناجحة لأي فيلم
القصه: مش قصة قوية تشدك، قد ماهي سرد لواقع عايشينه ، فممكن تحس في وقت إنك مش عارف هو في إيه بظبط، لكن هو زي ماقلت سرد لحقيقة موجودة و للأسف في حياتنا

نتكلم عن أبطال الفيلم، الناس الكبيره بقى
أحمد السقا : كالعادة متميز ، بيقوم بدوره بمهاره و إتقان ، و الشيء إلي فعلا يميزه عن أي ممثل تاني في أفلام الاكشن إنو بيعمل كل حركة بنفسه عمره مستخدم دوبلير أو ممثل بديل يعني ، و ده مكنتش قدرة أصدقه في مشهد الحريقة و بكده فعلا يستاهل كل تقدير
الرائع محمود عبد العزيز : الرجل ده كان رهيب فعلا ، فسواء كنت بتحبوا أو لا (أنا عن نفسي مش كل أفلامه و أدواره بحبها ) لكن هو فعلا كان رائع و متميز جدا جدا في دوره في الفيلم ، يكفي إنه كان بيخلينا نضحك على كلمة ظريفه أو تعليق له رغم إن الجو العام للفيلم مش كده خالص
أنا خارجة من الفيلم منبهرة جدا بيه بصراحه ، فعلا ممثل رائع
عمرو واكد : من الممثلين إلي أنا مش غاوياهم أوي لكن فعلا كان مناسب جدا للدور بتاعه و أداه بمهارة و كان ممتاز فيه برضو جدا ، و في رأيي هو من أجمل الأدوار إللي هو قام بيها  بكفاءة كدة و يخليك  معجب بيه جدا، و تعبيرات وجهه فيه كانت حقيقية و معبرة للغايه
هند صبري : قامت بدور بنت فتوه و مش سهلة، كانت كويسه فيه، بس بصراحة ماحسيتش إنها متميزة أوي، يعني حسيت إن هي هند صبري مش أكتر

الفيلم زي ماقلت من نوع الاكشن و عنيف والأسوأ من كده إنه دموي جدا جدا جدا جدا بشكل متعب للأعصاب ، فعلى الرغم من إني معجبة بكل إللي فات ده، إلا إني طلعت مخنوقة جدا من الفيلم من كمية الدم إللي فيه، والعنف والحقيقة إللي تكتشفها من أحداث الفيلم و هي إن الأجواء دي موجودة فعلا في بلدنا، و إن العشوائيات مليانة بلاوي و بلطجية و دم سايل للركب على طول و كل ده عشان خلافات على مخدرات و أسلحة و حاجة في منتهى الضياع بصراحه الحقيقة مؤلمة فعلا ، و حاسه إن مهما كان فماحدش هيكون عايز يشوفها مع كمية الدموية الصعبة دي

شايفة برضو إن الفيلم كان المفروض يكون مصنف إنه للكبار فقط ، لأن مافيش أطفال يقدروا ولا ينفع أصلا إنهم يشوفوا العنف ده ، و بالتالي ده لايعتبر فيلم عائلي طبعا
برضه لا يصلح لذوي القلوب الضعيفة أو حتى المتوسطه ، و لا للناس إللي بتدخل سينما للفرفشة ، حلو للشخص الدموي واللي غاوي عنف و يشوف الحقيقة المؤلمة للعشوائيات اللي في بلادنا

لكن أنا الحمد لله اليوم امبارح عموما كان ممتع جدا بالنسبه لي، والصحبه كانت هايله ، و شكرا

الدوام والبقاء لله، ربنا يرحمه و يصبر أهله على مصيبتهم – مهما كانوا ظلمه أو سبب في الفساد فالموت أكبر من أي حد و مهما كان ده ميدنيش الحق اني اشمت او افرح في مصيبتهم !

صح ان في ناس غلابه اولادهم ماتوا من الفقر او انهم مش لاقيين العلاج ، وان في ناس ما يعلم حالها الا الله من كتر الظلم اللي عايشين فيه….

بس هل ده كله يديني الحق اني اشمت في مصيبتهم؟ او اني افرح بعذابهم و الامهم؟

انا اتمنى ان يكون الابتلاء ده عظه للظالم من اهل الميت، و يكون سبب في هدايتهم، ويحس فعلا ان الدنيا فانيه و الدوام فيها لله وحده

لكن أقول يستاهل، و أحسن عشان ظلمه ،و كويس ان حد منهم مات، عقبال الباقي ،ولا اللي زعلان ان الولد اللي بيموت صغير ده بيشفع لاهله ويدخلهم الجنه!!!!

اييييييهههه هو فيه ايه، الموت ده ابتلاء لا ينفع فيه شماته ولا ينفع حتى اتمناه لحد، ومين احنا عشان نقول ان ده عقاب من ربنا ليهم، ، مش جايز يكون سبب للعظه، و ممكن برضه يكون عقاب الله أعلم، احنا منعرفش الغيب ولا نعرف حكمة ربنا في ابتلائهم بموت الولد ده ايه؟
انا سمعت كمية تعليقات من شماته او فرحه و سخريه في مصيبتهم صدمتني جداااااا ، مينفعش أقول احسن وللا يستاهلوا او ربنا ياخدهم !!

مش بقول طبعا انهم غلابه ولا ملايكه و طيبيين، لكن مش لاقيه سبب يديني الحق اني اكون فرحانه فيهم!!
الرسول صلى الله عليه وسلم ماكانش بيتمنى الاذى او الموت لاي انسان > وكان يدعيلهم بالهدايه، و علمنا ان لما نكون مظلومين نقول “حسبنا الله ونعم الوكيل”  وحرام اني ادعي على حد أو اشمت في مصيبة حد

ربنا يصبرهم و يجعل المصيبه دي سبب في هدايتهم و رجوعهم عن مساوئهم

و إنا لله و إنا اليه راجعون