طبعا بعد ظهور حالات إنفلونزا الخنزير في مصر، أصبح من الضروري إننا ناخد إجراءات وقائية أكتر من الأول
هو الحمدلله كل الدكاتره باطمئنان إن إن شاء الله الموضوع مش خطير طول محنة ملتزمين بل خطوط الوقائية دي

…

more…

إمبارح دخلنا فيلم إبراهيم الأبيض في سيتي ستارز
هو كان من أفضل الاختيارات إلي موجودة أمامنا ، و ده طبعا راجع للمستوى العالي للأفلام المصرية فالسينما ، عموما أحمد السقا برضو من الممثلين إلي تثق في أفلامهم و تبقى متشجع تدخلها

عموما، أنا كنت سمعت أكتر من رأي عن الفيلم، معظمها كانت أراء مشجعه جدا، إلا إن واحدة صاحبتي حذرتني إن الفيلم فيه مشاهد دم كتيرة و ده طبعا خلاني مترددة لأني لا أتحمل مناظر الدماء حتى لو فرخة

أنا هحكيلكم انطباعي و رأيي الشخصي في الفيلم :
الفيلم فعلا تميز جدا في الإخراج، والتصوير كمان ، يديك إحساس إنك مش بتتفرج على أي فيلم مصري عادي، لا ده فلم معمول بكفاءة عالية جدا و بمستوى محترف فعلا، التصوير و الإخراج كان ممتاز بدرجة كبرى، و ده من أفضل الأشياء إللي في الفيلم و تخليك مستمتع بمشاهدته
الموسيقى التصويرية، رائعة بجد، الظريف إن أنا في الأول مكنتش مركزه معها ولا واخدة بالي منها أصلا، لغاية ما بدأت أنتبه إن إلي بييحركني مع الأحداث و بيغير في إحساسي  بكل مشاهد في الفيلم هي الموسيقى دي فعلا، تأخذك من إحساس لإحساس تاني و أنت معها طول الوقت ، و أعتقد إن ده فعلا المطلوب من الموسيقى التصويرية الناجحة لأي فيلم
القصه: مش قصة قوية تشدك، قد ماهي سرد لواقع عايشينه ، فممكن تحس في وقت إنك مش عارف هو في إيه بظبط، لكن هو زي ماقلت سرد لحقيقة موجودة و للأسف في حياتنا

more…

النهارده الصبح، سمعنا كلنا خبر وفاة حفيد الرئيس “محمد علاء مبارك

الدوام والبقاء لله، ربنا يرحمه و يصبر أهله على مصيبتهم – مهما كانوا ظلمه أو سبب في الفساد فالموت أكبر من أي حد و مهما كان ده ميدنيش الحق اني اشمت او افرح في مصيبتهم !

صح ان في ناس غلابه اولادهم ماتوا من الفقر او انهم مش لاقيين العلاج ، وان في ناس ما يعلم حالها الا الله من كتر الظلم اللي عايشين فيه….

بس هل ده كله يديني الحق اني اشمت في مصيبتهم؟ او اني افرح بعذابهم و الامهم؟

انا اتمنى ان يكون الابتلاء ده عظه للظالم من اهل الميت، و يكون سبب في هدايتهم، ويحس فعلا ان الدنيا فانيه و الدوام فيها لله وحده

لكن أقول يستاهل، و أحسن عشان ظلمه ،و كويس ان حد منهم مات، عقبال الباقي ،ولا اللي زعلان ان الولد اللي بيموت صغير ده بيشفع لاهله ويدخلهم الجنه!!!!

اييييييهههه هو فيه ايه، الموت ده ابتلاء لا ينفع فيه شماته ولا ينفع حتى اتمناه لحد، ومين احنا عشان نقول ان ده عقاب من ربنا ليهم، ، مش جايز يكون سبب للعظه، و ممكن برضه يكون عقاب الله أعلم، احنا منعرفش الغيب ولا نعرف حكمة ربنا في ابتلائهم بموت الولد ده ايه؟
انا سمعت كمية تعليقات من شماته او فرحه و سخريه في مصيبتهم صدمتني جداااااا ، مينفعش أقول احسن وللا يستاهلوا او ربنا ياخدهم !!

مش بقول طبعا انهم غلابه ولا ملايكه و طيبيين، لكن مش لاقيه سبب يديني الحق اني اكون فرحانه فيهم!!
الرسول صلى الله عليه وسلم ماكانش بيتمنى الاذى او الموت لاي انسان > وكان يدعيلهم بالهدايه، و علمنا ان لما نكون مظلومين نقول “حسبنا الله ونعم الوكيل”  وحرام اني ادعي على حد أو اشمت في مصيبة حد

ربنا يصبرهم و يجعل المصيبه دي سبب في هدايتهم و رجوعهم عن مساوئهم

و إنا لله و إنا اليه راجعون

When you are driving on a road or any street, and you need to move to the other direction,   
simply you’ll take the next U-turn, right?

Lately, – especially – when I’m driving to my work, I started to feel that this U-turn is such a stupid thing, and in any road, street or direction it’s pretty dangerous. Allow me to explain my point.

So, the road is divided into lanes so that the extreme left lane is the fastest, and to the right the speed of the vehicles should be slower (assuming we are following the traffic rules), when you are driving on the left lane, it’s either you are going fast (that’s why you’re on the left) or you are going to take the next U-turn (which means you are going to slow down!!) think about it, the left lane is for both, for driving fast, and for slowing down to take the U-turn !!!
Does it make any sense???

If I’m on a high way, lets say 90 km/hr speed, and suddenly the front car is slowing down (strongly) to take the U-turn, so you’ll need to move to the right then back to the left after passing the U-turn, and if -Allah forbidden- you couldn’t do it fast enough you’ll collapse ! and if it’s you who wants to take the U-turn, then may be someone will hit you from behind, unless you are alarming (using waiting flasher or something) and the person driving behind you is careful enough to take care of that.

Ok, what if it’s not on a high way and simply in a very crowded street, you are on the left -trying to avoid the stopping microbuses, buses or taxi stations- and the left lane is almost not moving, why, because there’s a U-turn and most of the vehicles are taking it and stopping on the other direction, so you are stuck though you don’t want to take it !! trying to move to the right lane isn’t that easy on such streets -no one will let you do it   -

Complicated, huh?!
That’s if you are taking the road with the U-turn, let’s talk about you taking this U-turn. more…

بقالي فتره عايزه أكتب في الموضوع ده، و محصلش في الفتره اللي فاتت لاسباب كتيره ولاني كنت بحاول مشغلش دماغي، لكن بجد أنا جبت أخري…

هبدأ كلامي باستشهاد بحديث الرسول  صلى الله عليه وسلم:  عن أبي هريرة رضي الله عنة قال : قال رسول الله صلى الله عليه وسلم ” من حسن إسلام المرء تركه ما لايعنيه ” حديث حسن رواه الترمذي وغيره

حديث واضح و مفسر نفسه، ومعناه ان ببساطه شديدة المسلم الحسن ليس له أن يتدخل أو يتحدث عن شئون الآخرين -مالا تعنيه نهاذيا إلا ما اهتم به الشرع ” بحكم الشرع فقط ”

ايه مناسبة الكلام ده؟؟؟
هي ان من مدة طويلة وكل فرد قريب أو بعيد – والبعيد أكتر – بيحشر نفسه في اللي مالوش فيه، كمثال بسيط وانا بجهز لفرحي وكل واحد يسأل عن تفاصيل أو يستنكر اختياراتي و قراراتي أو أو أو……
وانا مش من النوع المتردد الحمد لله فما كنتش بشغل دماغي، لكن اكتشفت ان الموضوع بيتفاقم بعد الجواز، واذا كانت التدخلات في البدايه يادوب على الشقه أو الفستان فالموضوع بقى أكبر من كده بكتيير

التدخلات في صميم حياتي ولو أي حد مجرب أو حتى مش مجرب أكيد فاهم قصدي ايه…..
من تاني أو تالت شهر جواز تبدأ الأسئله السخييييييفه “ها مفيش حاجه في السكه” ،  “ياللا شدوا حيلكم و هاتلنا نونو نلعب بيه” و ياسلام لو بعد ٦ شهور بقى  “ايه ده، انتو برضه لسه مفيش حاجه” و خد من ده كتيييييررر more…

بجد مش مصدقه ان فات سنه، العمر فعلا بيجري بسرعه، والأوقات الحلوة أسرع كمان
زي النهارده من السنه اللي فاتت، كان أول يوم أنا و أحمد نكون في بيت واحد و متجوزين، اليوم اللي فضلت تقريبا ٨ سنين أحلم ان ربنا يكرمني بيه

السنه دي كانت صعبه في بدايتها عشان أتأقلم على وجودي بعيد عن أهلي و بلدي وأصحابي، صعبه عشان أقضي أكتر من ١٢ ساعه لوحدي وأحمد في الشغل
بس لما بفكر في ده دلوقتي بلاقيه ولا حاجه جنب ان بقى هنا بيتي واني استنى جوزي بفارغ الصبر وان وجوده معايا بالدنيا واللي فيها

بقضي أحلى أوقات عمري معاك ، وبدعي ربنا ان كل الاوقات الجايه تكون أجمل
وان ربنا يحميك و يخليك ليا و يقدرني أسعدك دايما
ويارب كل سنه لينا مع بعض تكون أحلى وأحلى

ونكبر ونعجز سوا ان شاء الله

انت أجمل وأغلى هدية من ربي ليا

كل سنه واحنا طيبين  دايما ان شاء الله