إلا أنني اكتشفت أن هناك من هم أكثر قدرة على الادلاء بنفس الآراء باسلوبهم الرائع و المباشر فاكتفيت بمشاركة ما أعجبني

أما الآن، فهناك ما أريد أن أعبر عنه شخصيا

بعد أحداث الأمس و ماحصل من احتكاكات بين الشرطة العسكرية والمتظاهرين أو كما اعلنت القوات المسلحة عن أنهم كانوا مندسين و بعض البلطجية، وما أثاره ذلك من غضب و بلبلة في ثقة المواطنين -خاصة المتظاهرين الشباب- في الجيش ، الا ان اعتذار الجيش كان بحق مؤكد لاحترامهم لهذا الشعب و قاموا بتاكيده مرة أخرى في البيان التالي الذي أعلنوا انهم لن يسمحوا باي وقيعة بين الجيش و الشعب

لن أدخل في تفاصيل ، كل ما أريد قوله لمن يرى ان هؤلاء الشباب و مطالبهم و الحاحهم و عدم اعطائهم فرصا كافية للجيش لتحقيقها
لكل من يرى أن الفريق أحمد شفيق ليس فاسدا كالنظام الذي كان جزءا منه
لكل من يرى أن فوضى الأمن تتفشى و تثير الرعب و القلق في نفوسنا
لكل من ينادي أولائك المعتصمون في التحرير بالتوقف و الهدوء

قد أكون قلقة أيضا، و أرى انه لابد من الصبر قليلا .. لكنني اليوم أدركت شيئا و هو أنني ليس من حقي أن أطالبهم يالتوقف و الاكتفاء
فهؤلاء هم من حملوا أرواحهم على أكفهم و خرجوا و باتوا الليل في البرد .. هوجموا و قتل منهم من قتل . و منهم من خسر عينه أو أصيب بعاهة
هؤلاء من لم يكتفوا أبدا باقل من الحق المطلوب، و صبرهم و اصرارهم كل يوم لم يؤد الا لمكاسب أكبر و أكبر لهذا البلد

هؤلاء فقط هم من لهم الحق في أن يكتفوا أو لا، هؤلاء فقط هم من لابد أن تجاب مطالبهم قبل الجميع
فهم ليسوا مجرد سباب عفوي تاخده الحماسة
هم رجال تكاتفوا لخير بلدهم، وثقتي بهم انهم لن يرضوا ولن يتسسبوا في أي ضرر أو أذى

ليس من حقى ولا أستطيع أن أقول لهم “لا” أو “كفى” بل كفى بنا نحن تقليلا و اهدارا لمجهوداتهم
لو لم تكن مشجعا لهم، فلا تكن هادما و ملتفا ضدهم

لكل من لازال يرى انه لا يستحق الاهانة، واننا شعب ناكر للجميل

لكل من يتعاطف و لازال ينكر اننا ننتقل من الظلم للعدل، من الفساد للاصلاح

لكل من يصر ان الاعتذار واجب له

لكل من لا يريد ان يتم انقاذه … اهداء خاص لكم

ده للناس اللي مش متعاطفة لكن صعبان عليها قوي

الناس اللي لسه شايفة ان اه كان في فساد بس ٥ شهور زيادة كانوا هيعملوا ايه

في ٣٠٠ استشهدوا و دول اللي معلنين، و فيه ١٦٠ جثة لم يتم التعرف عليهم بعد.. اسمعوا

هي مصر ما تستاهلش ؟؟

I was tagged to play it by Jessyz, she has this spirit in her writing, that always makes me smile in a way or another
and as did she, I’ll use the heart shaped potato for this

so.. Let’s start… I love….. - not in particular order -

1. The smell of the coffee, when I pass by any COFFE I must stop and take a deep breath smelling the fresh crushed coffee beans … sometimes, I open the jar and just smell it… you may even doubt that I’m smelling heroin or something (shhhh, It’s a secret)
2. Winter, the cold weather, and of course the rain, I always wished to live in a the Eskimos and enjoy the snow, and the minus twenty  C °
3. Google (Docs, Calendar, Sketchup, Android…) and Apple (MacBooks,iPods, iPhoto, iMovie …. ) … I adore them actually, may be most of us do, but I love them like family
4. My gadgets (laptop, ipod, mobile , car…..etc) I always give them names,and  I do talk to them sometimes too :$ -NO, I’M NOT CRAZY-
5. Candy, sugar candy, toffi, lollipops … I’m a real kiddo indeed , and my teeth are suffering from this a lot lately, but no matter what, I can’t resist it
6. Fresh Orange Juice, no matter how many cups I will drink, as long as it’s available I’m here for it
7. Organizing my stuff, I’m obsessed with things being organized and fitting in its place
8. Pens, pencils, notebooks… I always want to have stationary tools -even if i’m not using them, i’ll find a way- , just as I’m in school and I envy students for this pleasing equipments
9. Internet, VOIP, sharing technology ….. I know very well that I can’t live without it … It keeps me in contact with everybody,family, close friends, colleagues … It’s a real miracle
10. Bakery, ohhh bakery the smell of it coming out fresh and hot of the oven, or even watching it being cooked is a real entertainment for me… eating them is a real pleasure

and then I tag :

WitWit
Reem
Mahy
Marwa abd el aziz
Marwa Fahmy
Hend
Dina
Mariam
Moon Sakr
Sosty

المشكلة الحقيقية ليست في إن كنا سمعنا عنها أم لا، لكن في كيفية تعاملنا مع هذه المشكلة …. انا شخصيا من الناس الذين شعروا بانها حاجة بعيدة اوي و كلها كوابيس و ناس بتحب تهول و احنا فين وازمة الميه دي فين، دول بقالهم ١٠ سنين بيقولوا نفس المواويل

طيب، سواء اتفقنا أو اختلفنا – رغم ان الموضوع فعلا أزمة حقيقية لا يمكن الاختلاف عليها – لكن الشئ اللي مستحيل نختلف عليه، ان المياه دي نعمة من أغلى نعم ربنا علينا، و هي من المسلمات في حياتنا …. من الحاجات اللي -حرفيا- لا يمكن الحياة دونها

جميل جدا .. طيب سواء الأزمة قريبة او لا . الحقيقة انها هتحصل، و كل يوم بيفوت علينا بيقربنا منها أكتر

طيب هيتفقوا على ايه، هيبنوا سدود، هيقللوا حصة مصر من مياه النيل .. الخ  مهما كانت النتيجة احنا من دلوقتي نحاول قدر الامكان ننقذ مايمكن انقاذه

مش بس عشان الأزمة، لكن الحقيقة ان احنا مسرفين بطبعنا في استخدام المياه، و اسرافنا ده هو اللي هيضيعنا

نوارة نجم دعت لعمل حملة للتوعية عن أزمة الميه القائمة، وان كل واحد يكتب مقال في مدونته ينشر الحملة و يساندها
عجبتني الفكرة جدا … ببساطة شديدة لانها مش حملة ضد أو مع ، لا دي حملة ننقذ بيها انفسنا من الاسراف في نعم الله، و من ضياع هذه النعمة و احنا غافلين

في حاجات كتير بنعملها و احنا مش واخدين بالنا قد ايه ده اسراف، او مستقلين بحقيقة انده فعلا بيأثر .. هكتب هنا اللي قدرت افكر فيه فعلا، و معظمها حاجات انا كتير أكون غافلة عنها  وبالتالي التنويه للتذكرة لي و لكم

١- غسيل الاسنان
المشكلة الازلية في اسراف المياه هي ترك الصنبور مفتوحا طوال فترة غسيل الاسنان … طالت أو قصرت ، و هي مياه لا تلزم في الغسيل و نتركها تضيع

٢- حلاقة الذقن
نفس فكرة غسيل الاسنان، الرجال كثيرا ما يتركون المياه مفتوحة اثناء عملية الحلاقة،  اذا استدعت الحاجة فعلا، يمكن وضع كمية من المياه في طبق صغير بدل المياه السايبة

٣-  غسيل الطباق
ببساطة شديدة، نغسل كل الكمية بالصابون الاول -طبق صغير فيه مياه و صابون – بعد كده نفتح المياه و نشطف الاطباق مرة واحدة طريقة فعالة، مريحة و موفرة

٤- غسيل السيارات و السلالم
بدلا من خراطيم المياه، اللي معظم الوقت بتكون مقطعة و بتسرب مياه من كل حته ماله الجردل و الفوطة

٥- صيانة اعمال السباكة
ماهو مافيش بيت فيكي يامصر مافيهوش حنفية بتنقط، أو جلدة عايزة تتغير ، أو سيفون سايب … كل دي مياه ضايعه في الارض و هنرجع نقول ياريت اللي جرى ماكان
المفروض مجرد مايحصل اي خلل في السباكة نصلحه فورا، لو الموضوع ممكن يطول نستخدم طبق او جردل المياه تقع فيه و نستخدمها في اي حاجة بعد كده

٦- الطهي و المشروبات الساخنة
لما نعمل شاى أو قهوة نعاير المياه بالكمية المطلوبة بالظبط .. مش بالبركة و الزيادة تترمي ، و نفس الكلام في صهي الاكل برضه

النقاط كتير و مش هتخلص، معظمها كلام مش جديد كلنا عارفينه من المدرسة كمان، لكن المهم التنفيذ و التنبه لاهمية المياه

و فعلا المقال و الحملة دي كانت تذكرة لى انا قبل ماتكون تذكرة لكل من يقرأها

حاجة تشرف يعني

المهم انا كان عندي كرسي للكمبيوتر اشتريته من فترة، كنت سعيدة بيه جدا… مع مرور الوقت .. لقيت آلام ظهري بتزيد وظهر ألم مزمن في كتفي و رقبتي

بالتدريج بدأت الاحظ ان المشكلة الفعلية من الكرسي بتاعي، لاني لما كنت بستخدم كرسي تاني ماكنتش بحس بالالم ده

وأخيرا قررت اتخلص منه و نزلت النهاردة اشتريت كرسي جديد والحمد لله و يارب يكون أكتر مراعاة لظهري و مايبهدلوش اكتر من كده

اللي اتعلمته من التجربة دي … أكتر من حاجة

١- شراء الكرسي مش بالمنظر ابدااااااااا…. مش عشان شكله حلو وقعدت عليه طلع كويس يبقى أجيبه.. لا الموضوع أكبر من كده

٢- لازم وانت بتشتري كرسي تكون عارف كويس هتستخدمه فين، و لمدة متواصلة قد ايه، الوضع الاكتر راحة عليه ازاي، و هكذا
يعني مثلا وانا بجيب الكرسي النهاردة .. كانت أهم حاجة بالنسبة لي هي ان يون له مسند للظهر والرقبة بالكامل، لان القديم كان مسنده لنص الظهر بس، وده اللي كان بيسبب آلام الرقبة لانها طايرة في الهواء و متنية…وهكذا

٤- نوعية الكرسي كم حيث خامة البطانة (جلد – قماش – مشمع) ونوعية الجسم نفسه (فايبر – خشب – حديد) وده بيفرق حسب كل كستخدم طبعا وأهم حاجة الصناعة بتاعته …يعني حاجة تعيش معاك عمر طويل..وده مرتبط بالنقطة الجاية

٥- الكراسي الخاصة بالكمبيوتر مش رخييصة خالص وده متوقع فعلا لما تقارن ده بمدى الراحة أو الام اللي ممكن تتسبب فيه ، فتحس ام الغالي فعلا تمنه منه فيه

٦- مفيش أغلى من الصحة… وكده كده مش المفروض نستسلم للجلوس المستمر ده اللي جايبنا ورا.. محتاجين حركة .. عشان بجد الحركة بركة

ادعولي ان الكرسي الجديد يساعد على تقليل آلام الرقبة اللي بعاني منها من فترة ليست بقليلة ابدا

النهاردة نزلت بعد المغرب أقابل صاحبتي، في مكان المفترض لا يبعد عن منزلي اكتر من ١٠ دقائق، طبعا خدت ٢٠ دقيقة أو أكثر، و الظريف اني كنت بمشي من شوارع جانبية و باخد طرق مختصرة قال ايه لتفادي الزحام

وانا ماشية، حسيت ان فيه حاجة غريبة، اكتشفت حاجتين

١- ان بقالي تقريبا شهور ما سوقتش باليل، كل مشاويري الفترة اللي فاتت بتكون بالنهار فبيبقى الوضع أفضل و أروق الحمد لله
٢- إني بقيت متشردة في السواقة .. آه والله، … فجأة لقيت نفسي مستقوية كده، بس مش عمال مع بطال، على المفتريين اللي بيكسروا، يزنقوا عليه، واللي يحاول يحشر نفسه بالعافية رغم ان الأولوية والله العظيم لي أنا

انا اتفاجئت من نفسي والله، انا اصلي …. مش هقول جبانة سواقة، بس هادية، طبيعتي هادية – أو كانت بقى – كنت بمشي في حالي و ملتزمة بحارتي و بدي اشارة لو بلف واستنى اللي جاي من ورايا يدخل….

لكن النهاردة …. أو تقريبا من فترة و ظهرت أكتر النهاردة في الازدحام… كنت فتوة
صح عديت عشان حقي، بس أكيد اتشتمت عشان بنت، و عشان أخرته ٣ ثواني مثلا ….. بس أنا مش مبسوطه، أنا أحلى وانا هادية .. آه كانت بتبقى اعصابي بايظة من عجرفة الناس و أحيانا كنت أروح معيطة كمان.. لكن كن وديعة .. وانا حباني وانا وديعة أكتر

المصدر

لاني لو سبت نفسي كده، الموضوع هيتدهور أكتر، والله أعلم هتحول لايه

ده كله من تأثير تلك المدينة المزدحمة المملؤة بالسكان، البشر، السيارات، الدخان، التلوث، وللاسف .. أفضل أماكن للعمل أيضا

أيتها القاهرة … مر من الزمان ما يتعدى السنتين و حتى يومنا هذا وأنا غير قادرة على أن أقع في غرامك مطلقا .. مطلقا

أكره الانسانه التي تحولت اليها بسسبك، السائقة المتهورة، الجارة التي لا تدري عن أي من جيرانها ال ٢٣ أي شئ … الانسانة التي أصبحت لا تفكر الا بطريقة عملية بحتة لتواكب سرعة ايقاع حياتك …..

ورغم كل هذا.. أشعر دائما أنك أصبحت موطني، وليس من السهل على أن أفكر في مغادرتك … وها أنا أحاول أن أحارب الانسانة القاهرية من داخلي

من يدري … ربما أقع في غرامك يوما ما

المرضى في الدنيا كتير، المشكلة اننا لا نشعر بخطورة وآلام المرض الا عند اصابة أحد أقربائنا أو احبابنا
والمشكلة الاكبر هي ان الانشان بيكون عايش في غفلة، تاخذه هموم الدنيا و متاعبها، وينسى -أو يتناسى- أن هناك اله أعظم، لن يصيب عبده بشر أبدا، فكل مانبتلى به هو خير و نثاب عليه باذن الله

ينسى ابن آدم أنه فان، وأن الدنيا لن تبق له على حال، وأنه ان لم يكن عبدا شكورا حامدا لربه على كل نعمه التي لايدركها، فلن يذق طعما لمتعة أبدا…. ولن يهنأ له بال على أي حال

ينسى أن يصل رحمه، وأن ينشر روح المودة بين الخلائق، وفي غفلته هذه، تاته الدنيا بما لم يحسب له حاسب
فيندم على ماكان فيه من غفلة، ويرجع الى ربه يساله اللطف و الرحم، ومن يرض عنه ربه يزل حب الدنيا من قلبه، و من لم تكتب له هذه بعد، يغفل و يفيق مرة أخرى …. فالحياة دروس لنتعلم منها دائما

اللهم ارزقنا الرضا، والصحة والعافية، و بارك لنا في نعمك علينا … اشف مرضانا .. واجعل آلامهم كلها حسنات لهم
اللهم لا تجعلنا في غفلة عنك، واهدنا واغننا بفضلك عن من سواك

هل تستمر في نفس الطريق الذي لطالما سرت عليه؟
هل تسعى للتجديد والمغامرة بالعديد من الأشياء، أملا في أن تكون هناك نتائج أفضل؟

أن تشعر بالعجز، و عدم القدرة على المواجهة أبدا…. أن تملؤك الحيرة، هل أنا على صواب أم لا؟
أن تكتشف بان أحلامك تفوق واقعك، وأن ليس كل مايتمناه المرؤ  يدركه

ماذا فعلت لنفسك، و ماذا فعلت من أجل الآخرين، دائما تعتقد أنك تضحي، ولكن هل هناك من يراها تضحية حقيقية أم أنك واهم وليس فيما تفعله شئ ؟

ماذا لو قررت أن تتمرد …. تتغير … تثور على هذا الواقع لتحقق ماتريد….. لكن، ماهو هذا الذي تريد ؟

مجرد خواطر…. لا أكثر

لما الاقي طفل عنده سنتين اقوله هات بوسة مش يفهم، و مامته تترجمله و تقوله ادي طنط “كيس”
kiss
بجد !!!!

وان اول مايتعلم العد، يتعلم 123 مش ١٢٣ …. هنعلمه عربي ولا ايه.. ده حتى عيب

وفجأة، كل الامهات بتخلي ولادها يقولوا “مامي” و “بابي” طبعا ماما و بابا دي للفلاحين بس !!!
راجل ايه اللي يكبر يقول مامي و بابي ده بالله عليكم ، طب لو بنت ماشي، البنات يحقلهم الدلع و عوجة اللسان، بنات بقه ، لكن ولد اعوجله لسانه لييييه !!

انا والله مش ضد تعلم اللغات ابدا، بالعكس، انا مشجعة ليها تماما و ان الطفل يتعلم اكتر من لغة، بس يبقى عارف ان لغته الام اللي لازم يتكلم بيها دي هي العربي، حتى لو كل مواده بيدرسها انجليزي ، دي مصطلحات علمية يدرسها بلغتها مش مشكلة، لكن يفهم انه بيسلم و يبوس طنط مش “كيس” طنط

احنا نفسنا فجأة بقينا نقول
wipes
بدل  ”مناديل معطرة” مش عارفة بقى ده من باب الاستسهال و توفير الوقت ولا حاجة تانية

بنقول
tv
يمكن عشان تليفزيون دي مكلكعة اوي

و برضه بنقول
mobile
… مش تليفون محمول

في حاجات لازم تتقال بلغتها الام ، زي الاجهزة مثلا … ممكن

لكن اللي فارسني الاطفال اللي المفروض هما هيبقوا جيل كامل نأمل انه يكون اكثر نضوجا و تطورا مننا .. بس عمر ده ما هيحصل و هما مش فاهمين ان لغته دي هي الاصل وانه اذا كان يعرف لغات تانية فده علم ، هينتفع بيه، مش يعوج لسانه بيه

انا والله بفكر، لو عندي طفل هخليه فعلا يقولي “مامي” ؟؟ اصل خايفة اعلمه يقول “ماما” يطلع معقد وسط اصحابه ويحس بالنقص ولا حاجة

قال ادي طنط “كيس” قال

يعني الركنة من النوع ده مش دايما بتكون سهلة لاي حد ، خصوصا لو المكان ضيق…
الراجل و هو بيرجع بضهره بالعربية…. خبط العربية اللي وراه .. اآه خبطها بس معلش المكان فعلا ضيق و صعب انه يركنها بسلام ، انا قلت في بالي معلش هيمشي بقى و يشوف مكان تاني يركن فيه بدون خسائر

الكارثة في ان الراجل ماوقفش، ولا اتحرك من مكانه، او هو بصراحة فضل يتحرك للخلف اكتر، فمش بس بيخبط العربية اللي وراه ، لا ده كمان بيزقها لورا اكتر و اكتر من باب انه يوسع لنفسه مكان !!

بجد وقفت ابصله و انا في حالة ذهول، تنحتله فعلا، الراجل بصلي باسلوب “في حاجة يا شاطرة” كنت عايزة اتخانق معاه، ازعق اعمل اي حاجة
و ندمت بجد اني مش معايا الكاميرا اصوره عشان احطها دليل هنا

انا عارفة ان الركنات للعربيات سخيفة جدا، و تقريبا مافيش اماكن نهائي، واللي بيركن مش شرط ابدا يراعي انه يسيب مكان لحد يركن جنبه او وراه … من باب انه لقى ركنة و السلام..
لكن هل يعقل بجد ان ده يبقى اسلوب ؟؟؟
يعني اخبط في عربيات الناس عشان هو مش سايب مكان كفاية أو عشان انا مش لاقي مكان اركن !!

انا فضلت افكر ان لو عربيتي اللي اتعمل فيها كده، احساسي لما انزل الاقيها مركونة و مخبوطة في مكانها
شئ مستفز
وغير مبرر بجد

ماهي اصلها مسألة اخلاق … مش مسالة زحمة مرور ولا كتر عربيات
مسألة اخلاق ، و مابقاش فيه اصلا اخلاق لا في السواقة ولا في الركنة و لا في اي حاجة تانية

وعجبي